رجاء من الجميع الالتزام - هنا قوانين الاقسام العامه -

السلام عليكم اعضاء ومشرفى مزيكا كووول

بدون اى مقدمات

انا بطلب من الجميع رجاء بسيط

انا ملاحظ كثرة وضع المواضيع فى القسم العام بغرابة

يعنى بلاقى عضو معين بدون ذكر اى اسم حاطط من 5 الى 7 مواضيع او اكتر فى اقل من ربع ساعه

وبعده ساعتين تلاته يجي يحط كمان موضوعين
ده ايه ده ياشباب

وللاسف من المشرفين اللى بيعملوا كده كمان

ياجماعه القسم مش معمول عشان نرص مواضيع ورا بعض

عشان القسم يتملى مواضيع

هنا قسم للمناقشة والحوار

يعنى يتحط موضوع عن مشكلة معينه فى حياتنا

زى البطاله - التدخين - التعليم - ..الخ المشاكل الحياتية

وبعدين ألاقى واحد حاطط موضوع مفيش فيه اى مناقشة ومينفعش اصلا يتحط هنا فى القسم

يعتبى كأنه حاطط خاطرة حب أو زجل

كل دى سلبيات ان لاقيها وملاحظها من فرة كبيرة اوى

وفى حاجه كمان

لما كل واحد يحط 6 او 7 مواضيع كل ساعتين او حتى كل 10 ساعات

على كده بقه لو واحد حط موضوع هيجى تانى يوم يلاقيه فى الصفحه التالته او الرابعه ؟ ده اكيد :-

ولاحظ حتى عدد المشاهدات مبعديش 100 مشاهده

ده حرام والله

وفى سلبيات أكتر من كده فى القسم

ده مش قسم للاخبار

ده حوار ومناقشة

ولذلك

قررت أنا مشرف القسم العام بالآتى :-

1- عدم وضع أكثر من ثلاثة مواضيع فى أى قسم من أقسام المنتدى العام الاربعه فى اليوم الواحد

ومن يضع أكثر من ذلك سيتم غلق الموضوع أو حزفة ولو تكرر هذا سيتم انذار العضو أيا كان عضو أو مشرف

2- المواضيع الى يحتويها
القسم من اليوم لابد وأن تحتوى على مواضيع للمناقشة وطرح الآراء هنا فى
القسم العام وغير ذلك ستم نقله الى اقسام الخواطر والحب وغيرها

3- يسمح بمواضيع التحذيرات والاخطارات كالتحذير مثلا من استخدام مشروب معين أولبس ملبس معين أو أكل مأكل معين ...الخ من التحذيرات

4- ستتم معاملة المشرف كأنه عضو عادى ويسرى عليه كل هذه الشروط وحتى لو كنت أنا من فعل هذا ..!

5- ارجوا مشاركة الاعضاء مشاركة ايجابية لمواضيع القسم العام خصوصا لأنها تحتاج الى المناقشة

وابداء الرأى فلا يصح ان ندخل ماقشة موضوع ما ونكتب شكرا ,,لا طبعا وتبقى فين المشاركة وفين النقاش

فلاداعى للسلبية

5- تسرى كل هذه الشروط على جميع أعضاء المنتدى بمافيهم الاداره والمشرفين العوام والمشرفين والاعضاء

ومن يخطئ أو يتجاهل هذه الشروط والقوانين الخاصه بالقسم ستتم معاقبته كماذكرت سلفا

اللهم بلغت اللهم فاشهد

عشان لما حد يدخل القسم ويلاقى موضوع محزوف او منقول او مغلق ميسألش ليه لانى هنفذ قوانين القسم من اليوم

وعلى الجميع الالتزام

وما على الرسول الا البلاغ

دمتم فى رعاية الله

عدد المساهمات : 66 تاريخ التسجيل : 12/04/2009

مشكوررررررررررررررا جدا